*పొంగులేటి శిబిరంలో జోష్...!*
*- కీలక నేత మువ్వాకు కాంగ్రెస్ మెనిఫెస్టో కమిటీలో చోటు*
*- సభ్యునిగా నియమిస్తు ఏఐసీసీ ప్రకటన*
*- హర్షం వ్యక్తం చేస్తున్న పొంగులేటి, మువ్వా అనుచరులు*
సికె న్యూస్ ప్రతినిధి
*ఖమ్మం :* ఎవరూ ఊహించని విధంగా కాంగ్రెస్ పార్టీలోకి గ్రాండ్ ఎంట్రీ ఇచ్చిన పొంగులేటి శ్రీనివాస రెడ్డి కి, తన అనుచరులకు రోజురోజుకి పార్టీలో ప్రాధాన్యత పెరుగుతూ వస్తుంది. ఇప్పటికే తెలంగాణ కాంగ్రెస్ ప్రచార కమిటీ కో చైర్మన్, ఎన్నికల కమిటీ సభ్యునిగా రెండు కీలక పదవులు పొంగులేటిని వరించగా, ఆయన శిబిరంలోని కీలక నేత మువ్వా విజయబాబుకు తాజాగా ప్రకటించిన కాంగ్రెస్ పార్టీ మెనిఫెస్టో కమిటీలో చోటు దక్కింది.
24 మందితో కూడిన మెనిఫెస్టో కమిటీలో మువ్వాను సభ్యునిగా నియమిస్తు ఏఐసీసీ శనివారం అధికారిక ప్రకటన విడుదల చేసింది. ఈ కమిటీ ఛైర్మన్ గా శ్రీధర్ బాబును నియమించింది. ఖమ్మం డీసీసీబీ ఛైర్మన్ గా పనిచేసిన మువ్వాకు రైతుల సంక్షేమానికి ఎంతగానో పాటుపడ్డారనే మంచి పేరుంది.
అదేవిధంగా రాష్ట్ర రాజకీయాల్లో క్రీయాశీలక పాత్ర పోషిస్తున్న పొంగులేటి శిబిరంలోనూ ఆయన కీలక నేతగా ప్రస్తుతం కొనసాగుతున్నారు. ఈ నేపథ్యంలో మువ్వాకు ఈ పదవి రావడం పట్ల అటు పొంగులేటి అనుచరులు, ఇటు మువ్వా అనుచరులు హర్షం వ్యక్తం చేస్తున్నారు.
ఈ సందర్భంగా మువ్వా మాట్లాడుతూ ఏఐసీసీ తనపై నమ్మకముంచి కీలక బాధ్యతల్లో నియమించినందుకు ఆనందంగా ఉందన్నారు. ఈ పదవి రావడానికి సహకరించిన పీసీసీ అధ్యక్షుడు రేవంత్ రెడ్డికి, పొంగులేటి శ్రీనివాస రెడ్డికి ప్రత్యేక కృతజ్ఞతలు తెలిపారు. నిబద్ధతతో పనిచేసి తనకిచ్చిన ఈ పదవికి న్యాయం చేకూరుస్తానని ఆయన పేర్కొన్నారు.
Comments
Post a Comment