బొమ్మ తుపాకీతో దంపతులకు బెదిరింపులు...

బొమ్మ తుపాకీతో దంపతులకు బెదిరింపులు... గర్భిణీపై వికృత చేష్టలకు పాల్పడిన పోకిరీలు

కొందరు యువకులు రోజురోజుకు తెలివి మితిమీరిపోతుంది. కొందరు పోకిరీలు డమ్మీ తుపాకీతో రోడ్డు వెంట వెళ్లే వారిని భయబ్రాంతులకు గురి చేస్తున్నారు. ఆపై వికృత చేష్టలకు కూడా పాల్పడుతున్నారు.

ఇది జరిగింది ఎక్కడో కాదు నిజామాబాద్ జిల్లా కేంద్రంలోనే. ఈ నేపథ్యంలోనే.. వైద్య పరీక్షల కోసం ఖలీల్ వాడిలో ఉన్న ఆస్పత్రికి వెళ్తున్న దంపతులను బొమ్మ తుపాకీతో

భయభ్రాంతులకు గురిచేయటం ఇప్పుడు సర్వత్రా కలకలం రేపుతోంది. ఓ గర్భిణీ తన భర్తతో కలిసి ద్విచక్రవాహనంపై హాస్పిటల్‌కు వెళ్తున్న సమయంలో..

ఒక్కసారిగా ముగ్గురు పోకిరీలు బైక్‌కు అడ్డు వచ్చి.. తుపాకీతో బెదిరించారు. అక్కడితో ఆగకుండా ఆ గర్భిణీపై వికృత చేష్టలకు పాల్పడ్డారు. అది నిజమైన తుపాకీ అని నమ్మిన..

ఆ దంపతులు భయబ్రాంతులకు గురయ్యారు. నిత్యం రద్దీగా ఉండే ఖలీల్ వాడి ప్రాంతంలో ఈ ఘటన జరగటంతో... స్థానికులు ఒక్కసారిగా ఉలిక్కిపడ్డారు. ఈ ఘటన చూసిన స్థానికులు పోలీసులకు సమాచారం అందించగా..

హుటాహుటిన ఘటనాస్థలికి చేరుకుని ఆ పోకిరీలను అదుపులోకి తీసుకున్నారు. వాళ్ల దగ్గరున్నది బొమ్మ తుపాకీగా పోలీసులు గుర్తించారు. దాన్ని స్వాధీనం చేసుకున్నారు. 

ఈ ఘటనపై స్థానికులు తీవ్ర ఆగ్రహం వ్యక్తం చేస్తున్నారు. పట్టణంలో పోకిరీలు రోజురోజుకు రెచ్చిపోతున్నారని.. ఆరోపించారు. ఇప్పటికైనా ఇలాంటి పోకిరీలపై పోలీసులు కఠిన చర్యలు తీసుకోవాలని విజ్ఞప్తి చేస్తున్నారు.