బిజెపి పార్టీలో గ్రూప్ ల లొల్లి

 *బిజెపి పార్టీలో గ్రూప్ ల లొల్లి* 

*పాలమూరు విష్ణువర్ధన్ రెడ్డి అనుచరుడిపై దాడి* 

 *అందె బాబయ్య సమక్షంలోనే నన్ను కొట్టారంటూ బుగ్గరాజు ఆవేదన* 

 *దాడి చేసింది బిజెపి నాయకుడు ఎంకనోళ్ల వెంకటేష్* 

శేఖర్ గౌడ్ రంగారెడ్డి జిల్లా షాద్ నగర్ నియోజకవర్గం అక్టోబర్ 25:( సి కె న్యూస్)

షాద్ నగర్ భారతీయ జనతా పార్టీలో గ్రూపుల మధ్య తగాదాలు మొదలయ్యాయి. పాలమూరు విష్ణువర్ధన్ రెడ్డి అనుచరుడు బుగ్గరాజు అనే యువకుడిపై అదే పార్టీకి చెందిన ఎస్సీ మోర్చా నాయకుడు ఎంకనొల్ల వెంకటేష్ దాడి చేశారనే వివాదం రాజుకుంది.

 ప్రచార రథాల విషయంలో మాట మాట పెరిగి దాడి జరిగిందని చెబుతున్నారు. పాలమూరు ట్రస్ట్ చైర్మన్ బిజెపి సీనియర్ నేత పాలమూరు విష్ణువర్ధన్ రెడ్డి వద్ద ఉంటున్న బుగ్గరాజు అనే యువకుడు సోషల్ మీడియాలో యాక్టివ్ గా ఉంటాడు. అయితే ఏం జరిగిందో తెలియదు

 కానీ చౌదరి గూడా వద్ద మరో సీనియర్ నాయకుడు కోనేరు శ్రీనివాస్ వద్దకు అందె బాబయ్య వచ్చిన సమయంలో కొంత పార్టీ విషయంలో చర్చ జరిగినట్టు సమాచారం.  అయితే అందె బాబయ్య వెంట వచ్చిన వెంకటేష్ బుగ్గరాజు పై చేయి చేసుకున్నట్టు మీడియాకు తెలిపారు. 

 *బుగ్గరాజు - వెంకటేశ్ మద్య ఆడియో సంభాషణ* 

బుగ్గరాజు వెంకటేష్ మధ్య ఆడియో సంభాషణ వైరల్ అయింది. ఇరువురు  మాట్లాడుతున్న సమయంలో వెంకటేష్ పండపెట్టి తొక్కుతా అంటూ ఆడియోలో బెదిరించిన మాటలు వినిపించాయి.

భారతీయ జనతా పార్టీలో అందే బాబయ్య, పాలమూరు విష్ణువర్ధన్ రెడ్డి ఇరువురు టికెట్ కోసం పోటీ పడుతున్నారు. అయితే ఈ విషయమై ప్రచార రథాల విషయంలో మాట మాట పెరిగినట్టు బుగ్గరాజు మీడియాకు తెలిపారు.

 పార్టీ టికెట్ ఇంకా డిసైడ్ చేయలేదని అప్పుడే మండలాల్లో వాహనాల తిరుగుతున్న సందర్భంగా ఈ లొల్లి మొదలైందని అంటున్నారు. పార్టీ గైడ్ లైన్ దాటుతున్నది ఎవరు ఈ లొల్లి ఏంటి అని కార్యకర్తలు గుసగుసలాడుతున్నారు. అంతేకాదు ఈ వ్యవహారంలో మాట్లాడిన ఆడియోలు కూడా సోషల్ మీడియాలో వైరల్ అవుతున్నాయి.