*బీఆర్‌ఎస్‌కి భారీ షాక్‌....*
*– కాంగ్రెస్ గూటికి ఎంపీపీ మంగీలాల్‌ సహా నలుగురు ఎంపీటిసిలు,ఒక సర్పంచ్‌*
*– పొంగులేటి శ్రీనివాసరెడ్డి సమక్షంలో పార్టీలో చేరిక*
*తిరుమలాయపాలెం :*
తిరుమలాయపాలెం మండలంలోని బీఆర్‌ఎస్‌ పార్టీకి భారీ షాక్‌ తగిలింది. మండలంలో బలమైన నాయకుడిగా తండాలలో మంచి పట్టుండి తిరుమలాయపాలెం ఎంపీపీగా ఉన్న బోడ మంగీలాల్‌తో పాటు ఎదుళ్లచెరువు, ఏనెకుంటతండా ఎంపిటిసిలు భూక్యా శాంతిమోహన్,
ధరావత్‌ విజయనందా, సోలీపురం సర్పంచ్‌ హలావత్‌ జ్యోతి శ్రీనివాస్‌ , తాళ్ళచెరువు ఎంపిటిసి చుంచు వెంకటేశ్వర్లు , మహ్మధాపురం ఎంపీటీసీ ఇస్లావత్ భద్ర పాలేరు కాంగ్రెస్ అభ్యర్థి పొంగులేటి శ్రీనివాసరెడ్డి సమక్షంలో మంగళవారం రాత్రి ఖమ్మం క్యాంపు కార్యాలయంలో కాంగ్రెస్ పార్టీలో చేరారు.
ఈ సందర్బంగా వారికి పార్టీ కండువాలు కప్పి సాదరంగా ఆహ్వానించారు. ఈ సందర్బంగా పొంగులేటి మాట్లాడుతూ పార్టీలో చేరిన ప్రజాప్రతినిధులకు సముచిత స్థానం, గౌరవం ఇస్తామని హామీ ఇచ్చారు.
Comments
Post a Comment