అర్ధరాత్రి రైల్ లో కత్తులతో దోపిడీ దొంగల హల్‌చల్....
దోపిడీ దొంగలు బీభత్సం సృష్టించిన భయానక ఘటన గురువారం అర్ధరాత్రి వెంకటాద్రి ఎక్స్ప్రెస్ లో చోటుచేసుకుంది.
వివరాల్లోకి వెళితే.. చిత్తూరు నుంచి వెంకటాద్రి ఎక్స్ప్రెస్ కాచిగూడ కు బయలుదేరింది. ఈ క్రమంలోనే ట్రైన్ క్రాసింగ్ కోసం కర్నూలు జిల్లా బోగోలు రైల్వే స్టేషన్ సమీపంలో ఆగింది.
ఇదే అదనుగా భావించిన ఇద్దరు దోపిడీ దొంగలు చేతిలో కత్తులు పట్టుకుని ఎస్-2 (S2) బోగిలోకి ప్రవేశించారు.
అనంతరం అక్కడే ఉన్న ఇద్దరు మహిళల మెడలో ఉన్న బంగారు గొలుసులను లాక్కెళ్లారు. అడ్డుకోబోయిన ఇతర ప్రయాణికులపై కూడా వారు దాడి చేసేందుకు యత్నించారు.
ఈ మేరకు బాధితులు కర్నూలు రైల్వే పోలీసులకు ఫిర్యాదు చేయగా.. వారు కేసు నమోదు చేసుకుని దర్యాప్తును ప్రారంభించారు.
Comments
Post a Comment